az
Fəlsəfə dünyası

Aktual mövzu
İtirilmiş maarif, yoxsa türk sivilizasiyası?!
Bəli, XI əsrdə türkün sözünün: fikrinin, hikmətinin, bəşər sivilizasiyasında rolunun öz ana dilində səslənməsinə Mahmud Kaşğari yol açdı, XXI əsrdə isə bunları Frederik Starr ingilis dilində dünyaya bəyan edir. Bizə qalan isə min ilin təbəddülatlarını, uğur və tənəzzül məqamlarını araşdırmaq, enerji potensialımızın gerçək mənbəyini dərk etmək, gələcəyə məhz öz üstün cəhətlərimizə əsaslanaraq üz tutmaqdır. Istər-istəməz sual ortaya çıxır ki, bu böyük intellektual enerjinin mənbəyini nədə axtarmaq lazımdır? Əgər dinin aparıcı rolu inkar edilirsə, onda bəlkə bölgənin iqtisadi və mədəni inkişaf səviyyəsi buna yol açmışdır? Lakin türklərin köçəri həyatı və bölgədə oturuşmuş təsərrüfat sisteminin olmaması bu versiyanı mümkünsüz edir. Digər tərəfdən, türk alimləri və mütəfəkkirlərinin üstünlüyü təkcə öz bölgələrində deyil, o dövrün inkişaf etmiş başqa bölgələrində, o cümlədən, elmi və mədəni mərkəz sayılan Bağdad şəhərində də özünü göstərirdi. F.Starr qeyd edir ki, Bağdada toplaşmış mütəfəkkirlərin böyük əksəriyyəti də məhz Orta Asiya mənşəli idi. Bu paradoksu hər halda necə izah etmək mümkündür? Əlbəttə, müəllif bunu türklərin hansı isə genetik üstünlüyü ilə izah etmir. Çünki türklər üçün səciyyəvi olan daha çox döyüş ruhu, hərbi şücaət idi. Lakin bu, məsələnin dünya tarixçiləri tərəfindən yekdilliklə qəbul olunan tərəfidir. Onların intellektual gücü və elmi xidmətləri isə məsələnin bir qayda olaraq, “unudulan”, qəbul edilməyən tərəfidir.

 
 
Yeniliklər
Allah rəhmət eləsin, ANNA-TERESA TYMIENIECKA Allah rəhmət eləsin, ANNA-TERESA TYMIENIECKA
Cümə günü gecə (6-7 iyun 2014) dünyanın ən məşhur filosoflarından biri, Azərbaycanın və bütün İslam dünyasının böyük dostu Anna-Teresa Timiniçka haqq dünyasına qovuşmuşdur. Prof.Dr. Anna-Teresa Timiniçka müasir dövrdə fenomenologiyanın canlı klassiki, həyat fenomenologiyasının yaradıcısı, Qərb-Şərq Fəlsəfə dialoqunun təşəbbüskarlarından biri, Ümumdünya Fenomenologiya İnstitutunun təsisçisi və prezidenti, “Husserliana” məcmuəsinin baş redaktoru idi. Prof.Dr. Anna-Teresa Timiniçka 2004-cü ildə Azərbaycanda olmuş, Şihabəddin Yəhya Sührəvərdinin 850 illik yubiley mərasimində iştirak etmişdir. Azərbaycaanda fenomenoloji tədqiqatların aparılmasına dəstək vermiş, Azərbaycan fəlsəfəsinin dünya miqyasında təmsil olunmasına şərait yaratmışdır. AFSEA adından dünya fəlsəfə ictimaiyyətinə bu ağır itki münasibəti ilə dərin hüznlə başsağlığı veririk.
Azərbaycan aliminin yeni beynəlxalq uğuru Azərbaycan aliminin yeni beynəlxalq uğuru
Bu əsər Könül Bünyadzadənin Springer nəşriyyatında çap olunan artıq 4-cü məqaləsidir və əməkdaşlıq davamlı xarakter daşıyır. Bundan öncə gənc filosofun ABŞ-da nəşr olunan nüfuzlu “Philosophy study” jurnalındakı məqaləsi də beynəlxalq fəlsəfi ictimaiyyət tərəfindən maraqla qarşılanmışdı. Təsadüfi deyil ki, Parisdə nəşr olunan Yaradıcı Qadınlar haqqında ensiklopediyada da Könül Bünyadzadə müasir fəlsəfi fikrin tanınmış nümayəndələrindən biri kimi təqdim edilir.
Azərbaycanda ilk dəfə Fəlsəfi Təqvim hazırlanmışdır!!! Azərbaycanda ilk dəfə Fəlsəfi Təqvim hazırlanmışdır!!!
Fəlsəfə Dünyası Azərbaycanda ilk dəfə Fəlsəfi Təqvim hazırlamışdır. Görkəmli türk filosofu Əbu Turxanın hikmətli sözləri və kəlamlarından istifadə olunmuş təqvimdə görkəmli filosof və mütəfəkkirlərin doğum tarixləri öz əksini tapmışdır. Təqvimlə Fəlsəfə Dünyasında tanış olmaq olar.
Azərbaycanın filosof qadınları UNESCO-nun layihəsində Azərbaycanın filosof qadınları UNESCO-nun layihəsində
Bakı, 13 dekabr (AzərTAc). Parisdə UNESCO xətti ilə “Le Dictionnaire Universel des Femmes Créatrices” – “Yaradıcı qadınlar ensiklopediyası” çap olunmuş və bu nəşrin təqdimat mərasimi keçirilmişdir.
Fəlsəfə dünyasında KİTAB-Yolka!!! Fəlsəfə dünyasında KİTAB-Yolka!!!
F ə l s ə f ə D ü n y a s ı bütün fəlsəfə və hikmət sevənləri Dünya azərbaycanlılarının Həmrəyliyi Günü və Yeni 2014-cü il münasibəti ilə təbrik edir və arzu edir ki, illərin dəyişməsi ilə düşüncələrdəki aydınlıq da artsın, həmrəylik həm ürəklərdə və ideya qatında, həm də əməldə yaşansın.

Bariz şəkildə üzə çıxan çılpaq fikir emosional yaşantının ahəngini poza bilər.
Əbu Turxan
 
 Fəlsəfi Diskurs

Hörmətli iştirakçılarımız!

Fəlsəfi Diskurs öz müzakirələrini və fəlsəfi seminarlarını müəyyən müddətə qədər təxirə salır.
 
Yeni tədbirlərimiz barədə məlumatlar veriləcək!

Cavabla
 
  Elmi konfranslar və faydalı linklər
 
 JURNAL
«Fəlsəfə və sosial-siyasi elmlər» - 2013, № 1 Jurnalda həm Şərq, həm də Qərb fəlsəfəsinin tarixi inkişaf yolunu əks etdirən məqalələr təqdim olunur. Digər tərəfdən, elə müəlliflər də həm Şərqi, həm də Qərbi təmsil etməklə, fəlsəfi fikir arenasında gedən proseslərin rəngarəngliyini artırırlar.
Ətraflı
 KİTAB
Həyatın özü və görünən üzü Kitabda ictimai həyatın müxtəlif sahələri, konkret hadisələr insan həyatının mənası ilə, daxili yaşantılarla qarşılıqlı əlaqədə nəzərdən keçirilir.
Ətraflı
Həyatın özü və görünən üzü Müəllifin publisistik əsərlərindən ibarət ikicildliyin ikinci cildinə ölkəmizdə elm və təhsilin vəziyyəti, aktual problemləri, həmçinin, dil, din, millət, fəlsəfənin milli özünüdərkdə rolu, ziyalı məsuliyyəti haqqında məqalələr daxil edilmişdir.
Ətraflı
Xatirələrdə davam edən dostluq Kitaba müəllifin Azərbaycanın görkəmli alimləri haqqında müxtəlif vaxtlarda qələmə aldığı xatirələri, təəssüratları daxil edilmişdir.
Ətraflı
"swfobject.js"

© 2010 Fəlsəfə dünyası - Müəllif hüquqları qorunur. Saytdakı məlumatlardan istifadə etdikdə istinad vacibdir. Sayt Elshad100 tərəfindən hazırlanıb.